Улаанбаатар хотоор аялсан нь...

Байгууллага дахь харилцаа холбоог үр ашигтай болгох нь

Харилцаа холбоо маш олон зуун жилийн түүхтэй. Бүр дээр үед хүмүүс бичиг үсэг мэддэггүй байхдаа аман захиа буюу захиагаа шүлэглэн цээжилдэг байснаа яваандаа бичигтэй болж захиа гэгч зүйл үүссэн. Өчнөөн зуун жил өнгөрч өнөө үед интернет гэгч нэгэн систем дэлхийг бүрхээд байна. Энэ зүйлийн тусламжтайгаар тив дэлхий, газар орон харгалзахгүйгээр харилцах боломжтой болжээ. 

            Ямар ч байгууллагад харилцаа холбоо тэргүүний ач холбогдолтой байдаг. Ер нь ч харилцаа холбоо гэдэг тэр аяараа нийгмийн болоод хувь хүний хамгийн чухал хэрэгцээ мөн. Ялангуяа байгууллага гэдэг тэр чигээрээ мэдээллийн систем. Байгуулллагын дарга захиралаас нь эхлээд үүдний хаалгач хүртэл асар өргөн мэдээллийн сүлжээ дамнасан байх бөгөөд тэр өргөн сүлжээнд оролцогч аль ч тал мэдээлэлд нөлөөлж, төөрөгдүүлж чаддагаараа байгууллагын харилцаа холбоо бусад төрлийн харилцаа холбооноос ялгарадаг гэх үү дээ. Цуу үг, ам дамжсан яриа, цуурхал, албан ёсны мэдээ, тушаал, шийдвэрийн аль нь болохыг хэрхэн ялгаж танидаг бол. Заримдаа эдгээр мэдээлэлүүд нэгээс нөгөөд дамжин очихдоо тэр хүний үзэл бодол, санааг шингээж очдог байх юм. Үүнийг монголчилбол “хачирлах” гэдэгээр нь хүмүүс мэдэх байх. Ер нь монголчууд “хачирлах”-даа даанч гаргууд. Нөгөө худлаа юмыг олон давтвал үнэн болохын үлгэр монголд мөн ч амархан биелэнэ дээ. Тийм ч болохоор нөгөө хар PR гэгч зүйл амархан явагддаг болов уу. Энэ бол харилцаа холбоо хэт явцуу, үр ашиггүй явагдаж байгаагийн тод илрэл.

            Асуудлаас зайлсхийх биш асуудалтай нүүр тулгарч шийдвэрлэхэд харилцаа холбоог үр ашигтай болгох нь их түлхэц болдог. Юун түрүүнд мэдээллийг түгээх аргыг хамгийн орчин үеийн бөгөөд анхдагч эх үүсвэрээс шууд бусдад хүргэдэг байхаар зохион байгуулах хэрэгтэй. Үүнд тохирсон шинэ зүйл аль хэзээний бий болоод нэвтэрдэг газраа нэвтрээд үр дүнгээ өгөөд эхэлчихсэн жишээ  зөндөө бий.

            Эхний арга. Өнөөдөр хүн бүр л и-мэйл ашигладаг. Хувьдаа и-мэйл хаяггүй ажилтан би л лав мэдэхгүй юм байна. Гадаадын хөгжилтэй оронд ихэвчилэн түгээх мэдээллүүдийг шууд и-мэйл хаягаар явуулдаг нь мэдээллэлд хачир нэмэх бололцоог хаадаг.